حلوة اللوز بنكهة الفواكه

يالاه هانا جبت ليكم ولحد لحليوا كنتمنى تعجبكم حلوة باللوز بنكهات الفواكه المقادير 500غ لوز 250غ سكر سنيدة 3بيضات ملعقة صغيرة نكهة الفريز ملعقة صغيرة نكهت الليمون ملعقة صغيرة خميرة الحلوى كويغطات صغار ديال الحلوة 300 غ سكر صقيل للتزيين الطريقة تنسلقو اللوز ونقشروه وتنشفوه ونطحنوه مع ديك سنيدة حتى نحصلو على العقدة ديال اللوز تم نديرو الحشوة في بانيو ونضيفو ليها 2صفار البيض وبيضة كاملة والخميرة ونخلطو حتى ينسجم الخليط تنقسموها على 2 وحدة تنديرولها نكهت الفريز والتانية نكهت الليمون ولا حسب الدوق أي مداق تتفضلوه ونكوروها كويرات صغار ونمرروها في سكر صقسل وتدار في الكويغطات وتدخل للفران هير شوية العقدة ديال اللوز متتطلبش بزاف ديال الطياب حتى كتشقق شوية وصافي بالصحة والراحة